leoni

U bë inaugurimi i pllakës “EKSODI 99”

15/04/2016 Institucionet

Me moton “Të mos e harrojmë të kaluarën”, OJQ “Eksodi 99” në Mitrovicë edhe këtë vit nuk do ta ndërpres aktivitetin e vet në shënimin e 17-vjetorit të përndjekjes së popullatës shqiptare nga vatrat e tyre.

Me rastin e nisjes së aktiviteteve në shënimin e kësaj dite, kryetari i komunës së Mitrovicës, Agim Bahtiri, ka vizituar   varrezat e Dëshmoreve  të Martirëve në Shipol  të cilët ndërruan jetë me 15 prill 98-99 me ç’rast  vuri kurorë  lulesh mbi varrezat e tyre.

Po ashtu kryetari Bahtiri, së bashku me bashkëpunëtorët e tij vazhduan rrugën  për në Lagjen e Boshnjakëve, ku aty vizituan edhe familjarët e të pagjeturve dhe Martirëve të kombit, në shtëpinë ku u vranë dhe u masakruan, shumë fëmijë, gra e burra  nga makineria fashiste Serbe.

Me moton “Të mos e harrojmë të kaluarën” , OJQ “Eksodi 99”, organizoi edhe sivjet akademinë përkujtimore, e cila konferencë u mbajt në Qendrën e Kulturës, ku morën pjesë shumë përfaqësues nga të gjitha trojet shqiptare, si Shqipëria, Maqedonia, si dhe Presheva.

Fjalën e parë e mori kryetari Bahtiri, i cili shprehu ngushëllime të sinqerta edhe një herë të gjithë familjarëve të cilët ishin të prekur nga këto ngjarje makabre, të bëra nga regjimi serb.

“Më lejoni që në emrin tim personal dhe në emrin e qytetarëve të komunës së Mitrovicës, e sidomos në emër të atyre që përjetuan eksodin, të falënderoj dhe të shpreh konsideratat më të thella për vëllezërit tanë të qyteteve të Kosovës dhe të qyteteve të Shqipërisë, nëpër të cilat ata kaluan, qëndruan pak orë apo u vendosën për ditë e javë të tëra, apo edhe muaj të tërë, për mikpritjen vëllazërore dhe ndihmën e pakursyer që dhanë.

Por, jo vetëm kaq, vëllezërit tanë nga Skenderaj, Istogu, Klina, Peja, Deçani, Xërxa, Rahoveci, Prizreni, Kukësi, Bajram Curri, Shkodra, Lezha Tirana, Durrësi, Kavajë, Vlora, Fieri e qytetet tjera të Shqipërisë, qytetarëve të Mitrovicës dhe jo vetëm këtyre, ju ofruan plotë dashuri e  ngrohtësi,  duke bërë kështu që ata t’i tejkalojnë shumë më lehtë  momentet më të vështira të jetës së tyre.

Në mendjen e qytetarëve tanë, krahas vuajtjeve të shkaktuara nga barbarët serbë,  akoma janë të freskëta ndihmat e mëdha dhe mbështetja që populli i Kosovës dhe ai i Shqipërisë dha në momentet vendimtare për ekzistencën e tyre, prandaj edhe njëherë shumë faleminderit dhe do u jemi mirënjohës për tërë jetë.

Kryetari Bahtiri, po ashtu gjatë këtij  fjalimi përkujtoi se fatkeqësisht mitrovicasit ishin ata që më së shumti e përjetuan këtë ngjarje, gjegjësisht dëbimin nga shtëpitë dhe pronat e tyre.

Ai  po ashtu përgëzoj Këshillin Organizativ për punën që ka bërë, duke ju uruar sukses, i bindur se ata do ta përfaqësojnë në mënyrën më të mirë Mitrovicën në Kukës të Shqipërisë, atje ku do të mbahet manifestimi qendrorë me moton “Faleminderit Kukës-Shqipëri”.

Për nder të ”Eksodit 99”, komuna e Mitrovicës, bëri inaugurimin e pllakës përkujtimore afër Urës së Gjakut.

Kontrolloni gjithashtu

DITA 2 e Hardh Festit në Rahovec u përshkrua me aktivitetet ditore tradicionale dhe koncertin e madh

Kryetari i komunës së Rahovecit, z. Smajl Latifi ka shkruar në profilin e tij në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara