Aktualisht në komunën e Vitisë janë 69 raste aktive prej tyre 7 të hospitalizuar

26/04/2021 Institucionet

Në komunën e Vitisë, është shënuar një rënie e lehtë e rasteve të infektuara me Covid 19, u tha në mbledhjen e rregullt të Komitetit Komunal për Mbrojtje dhe Shpëtim, e ku u bë e ditur se brenda 24 orëve, janë shënuar 3 raste të reja. Kryetari i komunës së Vitisë Sokol Haliti, tha se aktualisht janë 69 raste aktive, ndërkohë që të hospitalizuar janë 7 pacientë. Po ashtu, ai njoftoi edhe për një donatorë që është ofruar për të ndihmuar familjet në nevojë, ku do të ndihmohen diku 200 sosh. Kryetari Haliti, kërkoi që të vazhdohet me dezinfektim dhe klorifikim të rrugëve dhe shesheve, sidomos gjatë orëve të mbrëmjes, gjatë periudhës së kufizimit të lëvizjes së qytetarëve. Komandanti i stacionit policor në Viti, kapiten Afrim Halili, tha se janë të përkushtuar që të zbatojnë vendimet dhe rekomandimet nga IKSHPK-ja, në zbatim të masave në fuqi, siç është kufizimi i lëvizjes së qytetarëve nga ora 22:30. Në këtë mbledhje, u apelua tek qytetarët që të vazhdojnë të respektojnë masat e ndërmarra dhe të kontribuojnë në parandalimin e përhapjes së virusit, si forma më e mirë e që të ndalen infektimet e mëtejme, sepse është interes i Institucioneve, ruajtja e shëndetit publik.

Kontrolloni gjithashtu

Kuvendi Komunal i Vitisë mbajti mbledhjen e katër të rregullt

Kuvendi Komunal i Vitisë ka mbajtur sot mbledhjen e katërt të rregullt. Me këtë rast …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara