Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata e Lartë në Beograd ka refuzuar ndryshimin e masës së paraburgimit për shtetasin e Kosovës, Nezir Mehmetajn, i cili akuzohet për krime lufte në Kosovë. Gjyqtari refuzoi kërkesën e avokatit mbrojtës për të zëvendësuar masën e paraburgimit me qëndrim në shtëpi nën përcjellje elektronike. Në seancën dëgjimore më 26 maj, kryetari i trupit gjykues deklaroi se rrethanat nuk kishin ndryshuar me kohën kur u zgjat paraburgimi, si dhe se procedura e apelimit për zgjatjen e paraburgimit ishte në proces. Më 4 janar 2020, Nezir Mehmetaj u arrestua nga policia serbe në vendkalimin Merdare, ndërmjet Kosovës dhe Serbisë, me një urdhër të lëshuar nga institucionet e drejtësisë serbe. Që atëherë ai është mbajtur në paraburgim në Beograd. Mehmetaj akuzohet për pjesëmarrje në vrasjen e shtatë njerëzve dhe djegien dhe plaçkitjen e shtëpive në fshatin Rudicë në komunën e Klinës, si anëtar i Ushtrisë Çlirimtare të Kosovës.
