Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara do të dërgojnë trupa ushtarake për të evakuuar një pjesë të stafit nga ambasada në Kabul, për shkak të avancimit të shpejtë të talibanëve në Afganistan. Ky njoftim ka ardhur disa orë pasi trupat afganë kanë braktisur qytetin e tretë më të madh në shtet, Heratin. Ushtria amerikane tashmë ka rreth 650 trupa në Afganistan, për të garantuar sigurinë diplomatike, përfshirë edhe në Aeroportin Ndërkombëtar, Hamid Karzai. Qeveria ka humbur pjesën më të madhe të veriut, jugut dhe perëndimit të Afganistanit javën e kaluar, dhe tani kontrollon kryeqytetin, Kabulin dhe një numër të qyteteve, që po ashtu janë në rrezik. “Ne do të zvogëlojmë prezencën civile në Kabul, pas ndryshimit të situatës së sigurisë”, ka thënë zëdhënësi i Departamentit amerikan të Shtetit, Ned Prince, ndonëse ka theksuar se ambasada do të mbetet e hapur.
