Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Trupi gjykues i caktuar në çështjen e ish-krerëve të Organizatës së Veteranëve të Luftës, Hysni Gucati dhe Nasim Haradinaj, ua ka vazhduar masën e paraburgimit këtyre dy të fundit. Në vendim thuhet se Zyra e Prokurorit të Specializuar, deri më 8 tetor ka afat të parashtrojë parashtresat lidhur me rishikimin e ardhshëm të paraburgimit të Gucatit e Haradinaj. Ndërkaq, mbrojtja deri me 15 tetor ka afat t’i përgjigjet prokurorisë. Sipas trupit gjykues të përbërë nga Charles L. Smith III, Christoph Barthe, Guénaël Mettraux dhe gjykatësi rezervë Fergal Gaynor, ekzistojnë ende arsye për vazhdimin e paraburgimit. Ata kanë konsideruar se rreziqet e pengimit të procedurës dhe kryerjes së veprave penale apo përsëritjes së veprave penale për të cilat akuzohen Gucati e Haradinaj, e për të cilat kanë kërcënuar më parë se do t’i kryejnë mund të menaxhohen në mënyrë efektive vetëm në objektet e paraburgimit të Dhomave të Specializuara.
