Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një zyrtar i lartë turk i hodhi poshtë pretendimet e palës ruse për blerjen e një njësie të dytë të sistemit të mbrojtjes ajrore S-400. Ai këmbënguli se Ankaraja nuk është në fazat përfundimtare të nënshkrimit të një marrëveshjeje të tillë. “Nuk ka pasur asnjë ndryshim në statusin e negociatave me Moskën”, tha zyrtari. Drejtori i përgjithshëm i furnizuesit shtetëror rus të armëve, Alexander Mikheev, qe shprehur më herët se konsultimet mes Turqisë dhe Rusisë për një furnizim të ri me S-400 ishin në fazën përfundimtare.
Sipas zyrtarit turk, raporti është pjesë e operacionit devijues nga ana e Rusisë, ku lëshohen deklarata të pavërteta në raport më Turqinë, e cila është në mesin e disa çështjeve të pazgjidhura me palën amerikane. “Rusët po përpiqen të helmojnë marrëdhëniet tona me Shtetet e Bashkuara, citohet të ketë thënë zyrtari. Marrëdhëniet mes aleatëve të NATO-s Turqisë dhe Shteteve të Bashkuara u përkeqësuan ndjeshëm në vitin 2019, për shkak të blerjes së sistemit të avancuar të mbrojtjes ajrore ruse S-400 nga Ankaraja, dhe kjo bëri që Uashingtoni ta largonte Turqinë nga programi i saj i avionëve. Turqia këmbënguli se S-400 nuk do të integrohet në sistemet e aleancës e nuk do të përbëjë një kërcënim për të. (TCH)
