Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhur me zhvillimet e djeshme në veri të vendit dhe manipulimet serbe, ka reaguar edhe ambasadori i Gjermanisë në vendin tonë, Jorn Rohde. Ai dënoi ashpër një deklaratë të kreut të Listës Serbe, Goran Rakiq, i cili e ndërlidhi aksionin e sotëm policor në veri të vendit me atë që njihet si “Nata e kristaltë” në Gjermani. Rohde kërkoi që të ndalohet krahasimi i këtyre dy rasteve sepse, sipas tij, kështu kontribuohet drejt shtrembërimit dhe mohimit të Holokaustit. “Stop! Krahasimi i aksionit të sotëm policor me ‘Natën e kristaltë’ është i papranueshëm. Krahasime të tilla kontribuojnë drejt narracionit të shtrembërimit dhe mohimit të Holokaustit. Mbroni faktet”, ka shkruar ambasadori gjerman, në një postim të tij.
