Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Indisë ka refuzuar vazhdimin e licencës për organizatën bamirëse të themeluar nga Nënë Tereza, përmes së cilës i mundësohet marrja e fondeve të huaja. Organizata, Misionarët e Bamirësisë, ka mijëra murgesha që mbikëqyrin projekte sikurse shtëpi për fëmijë të braktisur, shkolla dhe klinika. Në Ditën e Krishtlindjes, Ministria e Brendshme e Indisë ka bërë të ditur se nuk ia ka vazhduar regjistrimin kësaj organizate për shkak të “të dhënave negative”. Hindusët e linjës së ashpër e kanë akuzuar tash e një kohë këtë organizatë se është duke përdorur programet e saj për t’i konvertuar njerëzit në fenë e krishterë.
Organizata bamirëse ka hedhur poshtë këto akuza.
Në një deklaratë të publikuar më 27 dhjetor, organizata e ka konfirmuar se aplikacioni nuk iu ka pranuar dhe se nuk do të ketë aktive llogaritë për fondet e huaja, “derisa të zgjidhet kjo çështje”.
Autoritetet indiane, shprehen kundër fushatave të cilat po i konvertojnë hindusët në të krishterë apo myslimanë. Disa rajone brenda Indisë që drejtohen nga një parti nacionaliste kanë miratuar ligje që ndalojnë konvertimin fetar edhe për qëllime të martesës. (ReL)
