Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara të Amerikës kanë kundërshtuar kërkesën e Rusisë për të ndaluar Ukrainën që t’i bashkohet NATO-s. “Ne e kemi bërë të qartë se ka parime thelbësore për të cilat ne jemi të përkushtuar t’i mbështesim dhe mbrojmë, duke përfshirë sovranitetin dhe integritetin territorial të Ukrainës, dhe të drejtën e shteteve për të zgjedhur marrëveshjet dhe aleancat e tyre të sigurisë”, ka theksuar sekretari i Shtetit, Antony Blinken. Ai ka shtuar më tutje se Uashingtoni i ka përgatitur Moskës një rrugë serioze diplomatike për të zgjidhur konfrontimin, në një letër private drejtuar qeverisë ruse. Letra theksonte se Kievi mund të zgjedhë aleatët e vet, duke kundërshtuar kërkesën e Moskës për një premtim se Ukraina nuk do të bashkohet me aleancën e NATO-s. Gjatë konferencës për medie, sekretari i Shtetit, Antony Blinken theksoi se letra nuk do të bëhet publike, sepse ne mendojmë se diplomacia ka shanset më të mira për të pasur sukses.
