Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prioritet i Qeverisë së Kosovës duhet të jetë aplikimi në NATO, ka thënë nënkryetari i Kuvendit nga radhët e Partisë Demokratike të Kosovës Enver Hoxhaj. Ai e ka kritikuar qeverinë Kurti se e ka krijuar iluzionin sikur bota po e pret atë. Ju e keni krijuar iluzionin se bota na pret dhe keni pasur qasje në raport me dialogun ku parimet i keni pasur të shkruara në rërë dhe një politikë e ndërtuar në rërë sot mjerisht po shembet. Kjo qeveri i ka prioritetet e gabuara pasi që në vend se të aplikohet për NATO, kryeministri Albin Kurti e përmend aplikimin për statusin e kandidatit për integrim në Bashkim Evropian. Hoxhaj ka thënë mes tjerash se nëse qeveritarët do t’i lexonin lajmet, do ta kuptonin që për momentin më e rëndësishme është të aplikohet për NATO, për Kartën e Adriatikut, kur merren parasysh zhvillimet politike në nivel global.
