Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në shkollën e Mesme Teknike “Nexhmedin Nixha” dje është raportuar se është vendosur një shenj që ndalon mbulesën me shami në ambientet e kësaj shkolle. Kjo bëri bujë të madhe dhe pati reagime të shumta, në të cilat dënohej ky akt diskriminues. Në lidhje me këtë ka reaguar edhe Këshilli për Mbrojtjen e të Drejtave e të Lirive të Njeriut, ku ka thënë se ky veprim është diskriminues, paragjykues dhe kundër të drejtave dhe lirive të njeriut. Sepse, sipas KMDLNJ -së selektimi i vetëm një besimi është i pa pranueshëm, pasi të gjithë kanë të drejtë që ta praktikojnë besimin e tyre. “Bartja e shamisë pati nxitur shumë debate sidomos viteve të fundit dhe KMDLNJ -ja ka kërkuar të rregullohet me ligj kjo çështje ndërkaq konsideron se vajzave dhe femrave që kanë bartur shami u janë shkelur të drejtat e njeriut, si në shkollë ashtu edhe gjatë konkurimit për një vend pune ku përcaktuese për mospranim nuk ka qenë mos-përgatitja profesionale por bartja e shamisë ndonëse në vendim për refuzim nuk thuhet ashtu”, thuhet në reagimin e KMDLNJ-së.
