Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Mbrojtjes së Rusisë ka argumentuar se pretendimet që ushtria ruse ka masakruar civilë në Buça, në rajonin e Kievit të Ukrainës, janë të pavërteta. Fotot dhe videot e publikuara nga qeveria e Kievit nga Buça paraqesin provokim. Gjatë kohës që ky vendbanim ishte nën kontrollin e trupave ruse, asnjë banor i vetëm nuk u dëmtua nga ndonjë akt dhune, thuhet në deklaratë, duke shtuar se ndihma humanitare është shpërndarë në zonë. Gjatë kësaj kohe, civilët ishin në gjendje të lëviznin lirshëm brenda qytetit dhe u evakuuan, thuhet në deklaratë, duke pretenduar se forcat e armatosura ukrainase bombarduan zonat në jug të qytetit, përfshirë edhe lagjet e banuara. Më 30 mars, një ditë pas bisedimeve ballë për ballë midis Rusisë dhe Ukrainës. në Turqi, të gjitha trupat ruse u tërhoqën plotësisht nga Buça, thuhet në deklaratë. “Gjithashtu, më 31 mars, kryebashkiaku i Buçës, Anatoliy Fedoruk, në një videomesazh konfirmoi se nuk kishte ushtri ruse në qytet, por nuk përmendi as banorët vendas që u qëlluan në rrugë me duar të lidhura. Prandaj, nuk është për t’u habitur që të gjitha të ashtuquajturat ‘prova të krimit’ në Buça u shfaqën në ditën e 4-të kur zyrtarë të inteligjencës ukrainase SBU dhe përfaqësues të televizionit ukrainas hynë në qytet. Është veçanërisht shqetësuese që trupat e të gjithë njerëzve imazhet e të cilëve u publikuan nga regjimi i Kievit të paktën katër ditë më vonë nuk janë ngurtësuar, nuk ka njolla karakteristike të kufomave dhe ka gjak në plagë që nuk mpikset. E gjithë kjo konfirmon në mënyrë të pakundërshtueshme se fotot dhe pamjet video nga Buça janë një tjetër trillim i regjimit të Kievit për mediat perëndimore, njësojë si ai në maternitetin në Mariupol dhe në qytete të tjera”, thuhet në deklaratën e Ministrisë së Mbrojtjes së Rusisë.
