Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tani kur është kryekuvendar, Glauk Konjufcën e nervozon mungesa e deputetëve për ta bërë kuorumin dhe duket se fare nuk i bjen në mend se sa herë ai vetë me kolegët e tij e kanë pamundësuar kuorumin, madje ka harruar sa herë ke hedhur shishe me ujë dhe gaz lotsjellës për ta pezulluar punën e Kuvendi, sa herë është përleshur me policë brenda dhe jashtë sallës së Kuvendit, në të cilin e ka gdhirë kryekuvendar pas pazarit politik me guximtaren, Vjosa Osmani. Në seancën e fundit ai u ka dhënë afat deputetëve të partive politike ta bëjnë kuorumin prej mbi 80 deputetëve në sallë për të votuar marrëveshjet ndërkombëtare, ndryshe do ta ndërpresë seancën plenare. “Po ju jap afat grupeve parlamentare nëse nuk i sjellin edhe 10 deputetë unë e ndërpres seancën, pasi kjo është joserioze dhe e vazhdojmë të martën seancën. Prej tash vetëm 10 minuta i keni afat. Kjo është vërtet joserioze thotë Konjufca i pandjeshëm ndaj veprimeve të tij kundër të gjithë kryekuvendarëve, të cilët edhe i ka sulmuar me gaz lotsjellës. Tani Konjufca është bërë shumë serioz dhe po kërkon edhe më shumë seriozitet.
