Përfaqësuesi i Shqipërisë në Këshillin e Sigurimit, Ferit Hoxha, ka thënë se roli i UNMIK-ut është minimizuar dhe ka përfunduar qëkur Kosova ka shpallur pavarësinë më 2008, pasi gradualisht kompetencat e këtij misioni i janë bartur Kosovës. Ai ka thënë se duhet të ngrihet pyetja pse duhet të ketë prezencë të UNMIK-ut në Kosovë. “Ky mision nuk ka asnjë rol në proceset kyçe të Kosovës”, ka deklaruar Hoxha, duke përmendur se dialogu me Serbinë ndërmjetësohet nga BE-ja, siguria në Kosovë është nën mandatin e Policisë së Kosovës dhe KFOR-it dhe sistemi gjyqësor i Kosovës po forcohet. Ai po ashtu foli edhe për, siç tha, narrativët e rremë të Rusisë, sa i përket Kosovës, por edhe luftës në Ukrainë. “Masakrat në Buça, në Reçak, në Sebrenica, janë të gjitha një të përbashkët, janë të gjitha krime të çmeritura ”, ka thënë ai.
Kontrolloni gjithashtu
Limaj: Qeveria Kurti për tri vite qeverisje ka bërë harrnim të projekteve të pa përfunduara të qeverive te kaluara
Lideri i Nismës Socialdemokrate, Fatmir Limaj ka vlerësuar se Qeveria e udhëhequr nga kryeministri Albin …