Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vazhdojnë kritikat e disa zyrtarëve dhe medieve në Serbi kundër deklaratave të kryetarit të Rusisë, Vladimit Putin i cili thotë se ka vepruar njëjtë sikur perëndimi me rastin e Kosovës, duke pranuar precedentin e shpalljes së Pavarësisë së Kosovës, pavarësisht se Rusia zyrtarisht nuk e ka njohur Kosovës si shtet të pavarur. Deputeti i Partisë Progresive Serbe, Dragan Shormaz ka deklaruar se Qeveria e re e Serbisë duhet të përbëhet vetëm nga ata që janë për mbylljen e Qendrës ruse të Spiunazhit, në qytetin e Nishit. Ai duke renditur disa kushte për përbërjen e re të Qeverisë, ka thënë se ministrat duhet të janë të gatshëm të vendosin sanksione ndaj Rusisë. Qeveria e re duhet të përbëhet vetëm nga ata që janë gati të vendosin sanksione ndaj Rusisë, të shtetëzojnë Industrinë e Naftës të Serbisë, të dëbohen 90 për qind e Ambasadave për shkak të aktiviteteve të spiunazhit, të mbyllet Qendra ruse e Spiunazhit në Nish dhe të nënshkruhet deklarata për anëtarësimin e Serbisë në BE dhe NATO”, ka shkruar Shormaz. Nuk është kjo hera e parë që deputeti i partisë që drejtohet nga presidenti Aleksandër Vuçiq bën deklarata të tilla.
