Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Mbrojtjes së Rusisë, ka thënë se zjarri në qendrën tregtare në Kremenchuk, u shkaktua nga shpërthimi i municioneve të ruajtura për armët perëndimore, por asnjë provë nuk është ofruar që të mbështetet ky pretendim, raporton Rojters. Në konferencën e përditshme, ministria tha: “Forcat e armatosura të Federatës Ruse vazhdojnë të godasin objektet ushtarake në territorin e Ukrainës. Më 27 qershor, në qytetin Kremenchuk, forcat ruse të hapësirës ajrore kryen një sulm me armë me bazë ajrore me precizion të lartë në hangarë me armë dhe municione të marra nga Shtetet e Bashkuara dhe vendet evropiane. Si rezultat i një sulmi me precizion të lartë, armët dhe municionet e prodhimit perëndimor të përqendruara në një zonë magazinimi për dërgim të mëtejshëm në grupin ukrainas të trupave në Donbas u goditën. Shpërthimi i municioneve të magazinuara për armët perëndimore shkaktoi zjarr në një qendër tregtare jofunksionale që ndodhet pranë uzinës, thuhet në njoftimin zyrtar.
