Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i Hashim Thaçit, ka kërkuar leje që të apelojë vendimin e gjyqtarit paraprak mbi mocionin e mbrojtjes ndaj aktakuzës së re, ku pretendonin se akuzat e reja të konfirmuara janë me të meta. Gjykatësi i procedurës paraprake, Nicolas Guiju, e kishte miratuar pjesërisht mocionin e mbrojtjes së Thaçit. Sipas shkresës së mbrojtjes, më 31 maj 2022, mbrojtja për Hashim Thaçin paraqiti një mocion në përputhje me Rregullat duke pretenduar se akuzat e reja të konfirmuara nga gjyqtari i procedurës paraprake më 22 prill 2022 janë me të meta, për shkak të mungesës së specifikës dhe gabimeve të rëndësishme në deklarim. Mbrojtja kërkoi një urdhër që kërkonte nga Zyra e Prokurorit të ndryshojë aktakuzën për të dhënë më shumë specifikë në lidhje me sjelljen që pretendon nga ana e z. Hashim Thaçi, nëse kjo nuk ndodh, do të urdhërohet që kjo zyre të zvogëlojë, të ngushtojë ose heqë akuzat”, thuhet në këtë shkresë. Në një vendim të 22 korrikut gjyqtari i procedurës paraprake kishte pranuar pjesërisht mocionin e mbrojtjes dhe urdhëroi Prokurorinë të paraqiste një version të korrigjuar të aktakuzës ndaj vendimit të kundërshtuar, deri më 30 shtator 2022, pasi gjykatësi hodhi poshtë pjesën e mbetur të mocionit të mbrojtjes. ( Betimi për Drejtësi)
