Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Albin Kurti, në një konferencë për media ka folur për grevën e mësimdhënëseve, të cilën e ka organizuar SBASHK-u në krye me Rrahman Jashararin, por ai e ka injoruar kryetarin e SBASHK-ut, Rrahman Jashari, duke thënë se s’mund të takohet me të, meqë është rregull që të takohet me kreun e BSKPK-së, Atdhe Hykolli. Kurti ka thënë me këtë rast se liderë të degëve sindikale në të kaluarën kishin krijuar lidhje direkte me politikanë, kryeministra e ministra. Ne jemi me mësimdhënësit. Mësimdhënësit duhet të jenë me nxënësit. Ne kemi bërë shumë luftë për shkollë, që ta bojkotojmë me greva. Duhet të fillojë mësimi një orë e më parë. Ju bëj thirrje të gjithë mësimdhënësve të hënën të jenë në mësim. Unë kam takuar disa herë kreun e BSPK-së, Atdhe Hykolli. Ndërsa ministrat e mi kanë takuar degët sindikale të BSPK-së. Nëse duam shtet duhet të ketë rregullsi. Unë s’dua të kapërcej kreun e BSPK-së e të takojë liderë të degëve sindikale, sepse ashtu nuk ka rregull. Duket se Kurti e ka “blerë” lirë Atdhe Hykollin meqë atë e njeh si lider sindikal por jo Rrahman Jasharin që është kryetar i SBASHK-ut, dhe të cilin disa spiunë të Millosheviqit, në Vetëvendosje, e shpallin bashkëpunëtorë të Serbisë.
