Prokuroria ka bërë të ditur se është duke vazhduar operacioni “Brezovica”, lidhur me ndërtimet pa leje në këtë park turistik

Nga 7 të arrestuarit në rastin “Brezovica”, tre janë nga Ministria e Mjedisit, në mesin e tyre edhe Berat Lahu i Vetëvendosjes

Prokuroria Themelore, në Ferizaj, njoftoi se në vazhdimësinë e aksionit “Brezovica 6”, janë kontrolluar 11 lokacione, nga këto:  8 në Prishtinë, 2 në Besianë  dhe 1 në Fushë Kosovë. Nga 7 të arrestuarit në rastin “Brezovica”, tre janë nga Ministria e  Mjedisit, në mesin e të arrestuarve edhe Berat Lahu i Vetëvendosjes. Prokuroria konfirmoi për mediet po ashtu se ndaj shtatë të arrestuarve është caktuar masa e ndalimit prej 48-orësh, si dhe u bë e ditur se brenda afatit ligjor, pritet të bëhet kërkesa për caktimin e masës së paraburgimit ndaj tyre në Gjykatën Themelore, në Ferizaj. Të arrestuarit  dyshohen për veprat penale, “Marrja e ryshfetit”, “Dhënia e ryshfetit” dhe “Ushtrimi i ndikimit”. Prokurori i rastit “Brezovica”, Rasim Maloku, ka konfirmuar se në mesin e personave të arrestuar është edhe asamblisti i Lëvizjes Vetëvendosje në Komunën e Prishtinës, Berat Lahu. Po ashtu, gjatë këtij aksioni janë sekuestruar prova të ndryshme materiale.

Kontrolloni gjithashtu

Shefja e UNMIK-ut, Caroline Ziadeh, bën thirrje për evitimin e veprimeve të njëanshme lidhur me Urën e Ibrit

Shefja e UNMIK, Caroline Ziadeh, ka kërkuar  që të shmangen veprimet e njëanshme lidhur me …