Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Duket se nuk do të ketë më të ndalur presioni i Shtëpisë së Bardhë ndaj presidentit Vladimir Zelenskit të cilit Amerika ia ka dhënë dorën, ndërsa ai i kërkon tërë krahun. Shtetet e Bashkuara mësohet t’i kenë kërkuar presidentit ukrainas të tregojë vullnet dhe shenja hapjeje për nisjen e bisedimeve për paqe me Rusinë në vend që t’i refuzojë negociatat për sa kohë që presidentit Vladimir Putin të jetë në detyrë. Lajmi bëhet me dije nga “Washington Post”, e cila citon disa burime zyrtare anonime në lidhje me këtë çështje. Ky presion i ShBA-së vjen disa ditë pas irritimit të Joe Bidenit pas kërkesave të vazhdueshme nga ana e Zelenskyt për më shumë ndihma ushtarake. Në artikullin e gazetës amerikane gjithashtu shkruhet se propozimi i administratës Biden nuk ka si objektiv që të shtyjë Kievin të negociojë, por që t’i garantojë Ukrainës mbështetjen e vendeve të tjera, qeveritë e të cilave janë të kujdesshme në financimin e një konflikti afatgjatë.
