Kryetari Kastrati priti në takim pune zv.ministren Çavdarbasha

09/02/2023 Institucionet

Kryetari i Komunës së Malishevës, Ekrem Kastrati, së bashku me nënkryetarin Vesel Kransiqi, e kanë pritur në takim pune zëvendësministren e Ministrisë së Mjedisit, Planifikimit Hapësinor dhe Infrastrukturës (MMPHI), Linda Çavdarbasha. Në këtë takim ishin të pranishëm edhe drejtorët komunal, Avdi Morina dhe Arbëresha Kransiqi, ndërsa takimi ishte me karakter pune, ku është biseduar për mundësitë e bashkëpunimit në mes të komunës dhe MMPHI. Kryetari i Komunës së Malishevës, Ekrem Kastrati, pasi e ka falënderuar zëvendësministren Linda Çavdarbasha për vizitën, është shprehur i gatshëm të bashkëpunoj me MMPHI, në projekte me interes për qytetarët e Komunës së Malishevës. Po ashtu edhe zv.ministrja Çavdarbasha, është shprehur e gatshme për të bashkëpunuar në realizmin e projekteve që kanë rëndësi për komunën dhe qytetarët. Temat e diskutimit ishin ato të infrastrukturës, përkatësisht për digën në liqenin Mirusha, pastaj mundësia e pastrimit të lumit Mirusha, hartat zonale, mundësia e ndërtimit të impiantit të ujërave të zeza dhe projekte të ngjashme me interes për qytetarët e Komunës së Malishevës.

Kontrolloni gjithashtu

U mbajt takimi përmbyllës i dëgjimeve buxhetore publike për hartimin e buxhetit komunal për vitin 2027.

Në sallën e Kuvendit Komunal të Skenderajt, të premtën me 4 shtator 2026 u mbajt …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara