Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shteteve të Bashkuara të Amerikës, Joe Biden ka publikuar emrat e rinj për të shërbyer në postet kryesore të administratës së tij. Njëri prej tyre është Xhejms O’Brajen, të cilin e emëroi për Ndihmës Sekretarin e Shtetit për Çështjet Europiane dhe Euroaziatike. Ai aktualisht shërben si Shef i Zyrës së Koordinimit të Sanksioneve në Departamentin e Shtetit, post që e ka mbajtur që nga viti 2022. Më parë, O’Brien ka shërbyer në dy administrata amerikane si i dërguar special presidencial. Është një ish-punonjës karriere i Departamentit të Shtetit që ka marrë edhe çmime të shumta të performancës. Nga viti 1989 deri në vitin 2001, ai shërbeu si Këshilltar i Lartë i ish-Sekretares, Medlin Olbrajt, pastaj Zëvendës Drejtor kryesor i Planifikimit të Politikave dhe i Dërguar Presidencial për Ballkanin. Xhejms O’Brajen, ishte edhe anëtar i Këshillit për Marrëdhëniet me Jashtë.
