Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi Civil Ndërkombëtar për Kosovën, Piter Feith ka vlerësuar se kryeministri, Albin Kurti duhet të dalë me një iniciativë të vetën politike për zgjidhjen e situatës në veri. “Jam i sigurt që bota do ta mbështesë. Të hiqet përkohësisht prania e policisë së Kosovës nga veriu. Kjo do të ndihmojë në uljen e tensionit dhe do të shihet si vullnet i veprimit të mirë nga ana e Kosovë”, ka deklaruar për Euronews Albania, ish-Përfaqësuesi Special i Bashkimit Evropian, Pieter Feith. Ai ka tërhequr vërejtjen më tutje se nëse Amerika nuk e mbështet Kosovën do jetë një rrugë shumë e rrezikshme për Kosovën. “Kurti duhet të fitojë besimin e SHBA, Berlinit dhe Parisit. Kosova ka nevojë të njihet në të gjithë botë, jemi në një pikë të ulët të besimit si ndaj Kosovës edhe ndaj Serbisë, po Kosova është më e cenueshme. Dhe si një mik i Kosovës jap këshillën miqësore: punoni të rrugën e dialogut, mos ndiqni rrugën e dhunës” ka porositur ish përfaqësuesi Civil Ndërkombëtar për Kosovën, Piter Feith.
