Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, edhe një herë ka kërkuar lirimin e tre policëve të Kosovës nga ana e Serbisë. Duke publikuar thirrjen e Departamentit Amerikan të Shtetit për lirimin e menjëhershëm të policëve, Rama ka paralajmëruar Serbinë se kjo “do jetë java e rikthimit të akullit mes nesh nëse ata nuk lirohen. Gjithashtu, Rama ka paralajmëruar hapa mbrapa në marrëdhëniet bilaterale ndërmjet Shqipërisë dhe Serbisë. Sa më shumë mbahen në Serbi këta tre burra që edhe sikur ta kenë shkelur vijën e kufirit s’kanë kryer asnjë krim, aq më pak do jetë e mundur që marrëdhëniet tona bilaterale të mos bëjnë shumë hapa mbrapa! Kjo do jetë java e rikthimit të akullit mes nesh nëse ata nuk lirohen! Po ashtu situata mund të rëndohet edhe më shumë nëse Albin Kurti këmbëngul në të tijën kundër aleatëve. Nëse nuk shtendoset gjendja e krijuar në veri, e humbura e madhe do të jetë Kosova. Druaj se sa më shumë Albini këmbëngul në të tijën kundër aleatëve, aq më shumë situata mund të dalë jashtë kontrollit, duke rikthyer KFOR-in në krye të punës! Në një rast të tillë do t i themi lamtumirë për kushedi sa kohë edhe kontrollit formal të shtetit mbi krejt territorin dhe ta gëzojmë një Republikë të KFOR-it në veriun e Kosovës! Albin dil nga guacka e vetizolimit dhe mos e humb veriun duke parë kudo armiq e tradhtarë! Koha është tani dhe po fluturon!, ka shkruar mes tjerash kryeministri i Shqipërisë, Edi Rama.
