Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i misionit të KFOR-it, gjeneralmajor Angelo Michele Ristuccia, vlerësoi se situata në veri të Kosovës është ende e tensionuar, përkundër, siç shtoi ai, është një atmosferë paqësore në dukje. Gjenerali thekson se KFOR-i mbetet i përkushtuar në përmbushjen e mandatit të tij sipas Rezolutës 1244 të Këshillit të Sigurimit të OKB-së dhe se NATO ka dërguar trupa shtesë në Kosovë për t’u përballur më mirë me sfidat. Zgjidhjen e problemit, ai e sheh në dialog dhe një ftesë për të dyja palët për t’u ulur dhe për të de-përshkallëzuar situatën. Ristuccia nënvizoi se nuk ka zgjidhje ushtarake, por vetëm politike dhe shtoi se në skenë është një ofensivë e madhe diplomatike për të qetësuar situatën dhe për ta kthyer në normalitet. Sipas tij, prania e forcave të NATO-s nuk kushtëzohet nga korniza kohore, por është e kushtëzuar vetëm nga rrethanat në terren.
