Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i shtabit të përgjithshëm të Ushtrisë së Serbisë, Millan Mojsilloviq, i ka mohuar akuzat e autoriteteve të Kosovës se Serbia, përmes sulmit në Banjskë, ka synuar aneksimin e veriut të Kosovës. Ai ka thënë se Ushtria serbe është një organizatë serioze, e fortë, që nuk toleron gënjeshtra. I mohoj të gjitha akuzat e bëra nga Prishtina”, ka thënë Mojsilloviq në një konferencë për gazetarët në Beograd. Ministri Sveçla, ka thënë të dielën se Serbia ka planifikuar aneksimin e veriut të Kosovës, përmes sulmit në Banjskë. Serbia i ka mohuar akuzat e Kosovës se është e përfshirë në këtë sulm, të cilin autoritetet kosovare e cilësuan si akt terrorist. Përgjegjësinë për sulmin e ka marrë Millan Radoiçiq. Mojsilloviqi e ka mohuar se Radoiçiqi ka marrë pjesë në stërvitje në bazën ushtarake, afër Jagodinës, në Serbinë qendrore.
