Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të mërkurën në Rahovec u vendos gurthemeli i Qendrës Rinore dhe Kulturore në Rahovec. Ky objekt modern do të gjallërojë jetën kulturore dhe aktivitetet e rinisë në komunën tonë, ka thënë Kryetari i Komunës së Rahovecit z. Smajl Latifi. Objekti ka një sipërfaqe totale prej 6,203.24 m2, me Sallë universale/auditorium, me rreth 400 ulëse, zhveshtore, salla për prova etj. Shkolla e MUZIKËS me sipërfaqe prej 780.0 m2 për shumë qëllime, studio për kërcim, klasa amë, klasa për balet, salla për instrumente dhe administratë; Qendra për Inovacion dhe Teknologji me sipërfaqe prej 415.0 m2, me përmbajtje, si: laborator, punëtori, sallë për takime dhe trajnime, zyra të hapura dhe të ndara. Biblioteka me sipërfaqe prej 420.0 m2, ku përfshihen sallat për lexim grupor dhe individual, skedarët, ekspozimi i librit, fototeka, sallë për kompjuterë, Galeri të arteve, Kafetari me kuzhinë dhe tarracë të jashtme, me Administratë të objektit prej 145.0 m2, Parking nëntokësor dhe të jashtëm, gjithsej 54 vende. Vlera e kontratës është: 2,982,584.55 €. Kryetari Latifi ka thënë se ka zotim real nga MKRS-ja dhe ministri Hajrullah Çeku, për ta përkrahur me mjete financiare këtë projekt.
