Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në 111-vjetorin e Pavarësisë së Shqipërisë, Kryeministri Edi Rama tha në Këshillin e Atlantikut se Shqipëria dhe rajoni nuk kanë qenë kurrë më mirë, përveç çështjeve të pazgjidhura në mes të Kosovës dhe Serbisë. Jam i inkurajuar nga ndryshimi në qasjen e autoriteteve të Kosovës, dhe duke pranuar në parim Asociacionin. Kryeministri i Kosovës ka dëshmuar vullnet të rëndësishëm për të ecur përpara dhe për të kërkuar zgjidhje e jo alibi, apo për të kërkuar të shkuarën në vend të së ardhmes. Në kontekstin më të gjerë, agresioni rus në Ukrainë, lufta mes Izraelit e Hamasit, efektet mund të jenë edhe më negative nëse nuk punojmë natë e ditë për ta mbajtur konfliktin jashtë rajonit tonë. Kjo situatë, që është përmirësuar shumë duhet ta trajtojë e ta zgjidhë këtë çështje mes Kosovës e Serbisë, në njohje të plotë të Kosovës, me paqen përfundimtare. Edi Rama tha se sulmi i 24shtatorit në Banjskë të Zveçanit ishte një shenjë shumë e fortë, dhe një këmbanë e mirëfilltë alarmi e potencialit që ka një çështje e tillë e pazgjidhur për t’u berë vendimtare në rrezikimin e paqes dhe bashkëpunimit rajonal. Përgjegjësia jo vetëm e personave të përfshirë, por është edhe e Beogradit që nuk e dënoi, agresionin,por shpalli ditë zie kombëtare në nder të këtyre kriminelëve. Edhe një herë po them se nuk bën të biem pre e konfrontimeve, përshkallëzimeve, por t’i trefishojmë përpjekjet për paqe, saktësoi Edi Rama.
