Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Përgjithshëm i Policisë së Kosovës, Gazmend Hoxha sot në një konferencë me gazetarë ka folur lidhur me ngritjen e nivelit të sigurisë në trafikun rrugor dhe parandalimin e aksidenteve. Ai tha se Policia e Kosovës respektivisht Divizioni i Komunikacionit Rrugor për objektiv kryesor ka ngritjen e nivelit të sigurisë në trafikun rrugor dhe parandalimin e aksidenteve. Hoxha tha se tashmë kanë filluar që të përdorin kamerat e trupit për zyrtarë policor të njësive të trafikut. Me qëllim të përmbushjes së Planit Zhvillimor Strategjik të PK-së 2021-2025 ku një ndër objektivat parasheh modernizimin e pajisjeve për kontroll dhe mbikëqyrje të trafikut rrugor jemi furnizuar me vetura me pajisje inteligjente ’smart patroll’, radar mobil që dëshmojnë kundërvajtjet në trafik, e po ashtu në të ardhmen synojmë të pajisemi me radar statik, pajisje për lëshimin e gjobave në mënyrë elektronike si dhe për një transparencë më të madhe të punës policore ndaj publikut kemi filluar përdorimin e kamerave të trupit për zyrtarë policorë të njësive të trafikut”, ka thënë Hoxha.
