Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
4 janari është një datë e një rëndësie të veçantë kombëtare, e cila do duhej kujtuar në gjithë hapësirat shqiptare e në diasporë, është ditëlindja e “Radio Kosova e Lirë”, radio që përçoi zërin e lirisë, zë që dilte nga gryka e pushkës së luftëtarëve të lirisë të djemve e vajzave më të mira të kombit, që ishin rreshtuar në radhët e Ushtrisë së lavdishme Çlirimtare të Kosovës. “Radio Kosova e Lirë”, me gjithë peripecitë dhe sfidat që e rrethuan, presionin e shantazhin për ta shuar këtë zë të luftës e të lirisë, falë një përkushtimi vetmohues dhe pune të paimagjinueshme, vazhdon të përçojë e afirmojë idealet e shenjta kombëtare. Para Radio Kosovës së Lirë dhe stafit të saj të përkushtuar përkulem me respekt të veçantë, sidomos para veprimtarit të çështjes kombëtare dhe luftëtar lirie, Ahmet Qeriqi, duke iu uruar nga zemra 25 vjetorin e ngritjes së këtij institucioni të luftës çlirimtare.
