Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Spiralja e dhunës së pashembullt po e bën kërdinë në Siri, ku të gjitha palët ndërluftuese janë zhytur në krime të tmerrshme. Më së shumti po pësojnë civilët kurd por edhe pakicat e tjera në veri të këtij shteti që prej vitesh është zhytur në luftë vëllavrasëse. Organizata për të Drejtat e Njeriut ‘Amnesty International’ ka akuzuar se grupet rebele, të mbështetura nga Shtetet e Bashkuara, Arabia Saudite, Katari dhe Turqia, se janë përgjegjëse për rrëmbime, torturë dhe vrasje në Siri. Sipas kësaj organizate me seli në Londër, janë dokumentuar 24 rrëmbime nga grupet e armatosura në provincat Alepo dhe Idlib. Viktimat në pjesën më të madhe janë aktivistë paqësorë, fëmijë, kurdë, të krishterë dhe pakica të tjera. Sipas ‘Amnesty International’, këto grupe po përdorin të njëjtat forma të torturës ashtu sikur edhe regjimi i Bashar al-Assad-it.
