“ORLLATI GROUP” FITON ANKANDIN PUBLIK PËR NDËRTIMIN E PARKUT SOLAR

30/03/2024 Institucionet

U mbajt ankandi publik përmes platformës elektronike për projektin e ndërtimit të parkut diellor (solar) për energji të ripërtëritshme, me kapacitet prej 100 MW, i pari i këtij lloji në Republikën e Kosovës, që do të ndërtohet në Gur të Kuq dhe në Kramovik të Komunës së Rahovecit.

Fitues i këtij ankandi është kompania e njohur dhe me prestigj të madh “Orllati Group”, me seli në Zvicër, me pronar z. Avni Orllati, bashkë me vëllezër e nipa nga Brestoci i Rahovecit.

Jemi me fat që këtu do të investohen rreth 75 milionë € për ndërtimin e mbi 258 mijë paneleve diellore për prodhimin e energjisë.

Ndërtimi i këtij centrali solar paraqet një hap të rëndësishëm drejt një të ardhmeje më të gjelbër dhe me lehtësira të shumta për komunitetin tonë. Komuna e Rahovecit e ka bërë të qartë synimin e saj për t’i krijuar kushtet për zhvillim afatgjatë e të qëndrueshëm.

Komuna e Rahovecit, përmes këtij investimi, pritet të bëhet një fuqi reale për prodhimin e energjisë diellore, me mundësi të mëdha, e që përfitues do të jenë qytetarët tanë.

Kontrolloni gjithashtu

Kryetari Lushtaku, ka pritur në takim talenten e re, Amra Salihu, nxënëse e Shkollës Fillore “Shaban Jashari”

Për sukseset e saj të jashtëzakonshme në fushën e muzikës, Kryetari i Komunës së Skenderajt, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara