Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetë të partive opozitare e kanë quajtur shqetësuese paralajmërimin e Sindikatës së Bashkuara për Arsim, Shkencë dhe Teknologji për grevë dhe kanë thënë se fajtore për këto paralajmërime për greva është Qeveria. Deputetja e Lidhjes Demokratike të Kosovës, Vlora Dumoshi, ka thënë se ky paralajmërim vjen si pasojë e mungesës së dialogut ndërmjet Qeverisë dhe Sindikatës. Ajo ka theksuar më tutje se ekzekutivi po synon t’i fusë nën ombrellën e saj të gjitha sindikatat dhe ka theksuar se kërkesat e SBAShK-ut janë të drejta, marrë parasysh inflacionin e lartë. Deputetja nga radhët e Aleancës për Ardhmërinë e Kosovës, Albena Reshitaj, ka konstatuar se për shkak të situatës aktuale ndërmjet Qeverisë e Sindikatës, ka edhe përçarje ndërmjet mësimdhënësve. Ajo ka bërë thirrje që të mos përdoren nxënësit për realizimin e interesave të tyre.
