Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti, Bekim Çollaku ka deklaruar se me tri kushtet e kryeministrit Albin Kurti në Bruksel, Kosova ka shënuar një autogol në procesin e dialogut. Sipas Çollakut, Kurti dhe Lëvizja Vetëvendosje kanë arritur një sukses në audiencën kosovare, por kjo qasje e gabuar mund të sanksionohet nga BE-ja në të ardhmen. Çollaku ka theksuar se Kosova është nën sanksione dhe se BE-ja mund të vendosë të mos i heqë ato. Ai paralajmëroi se Plani i Rritjes mund të zvarritet, dhe Kosova mund të marrë shumë më pak ndihma financiare nga BE-ja, e cila ka shumë mekanizma në dispozicion për të ndëshkuar palët për mungesë konstruktiviteti. Gjithashtu, Çollaku vuri në dukje se ka pasur një regres të përgjithshëm në procesin e dialogut që nga viti 2016, kur përfaqësuesja e atëhershme, Federica Mogherini, u largua.
