Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada e Shteteve të Bashkuara të Amerikës, ka akuzuar Qeverinë e Kosovës për instrumentalizimin e vazhdueshëm të Policisë së Kosovës në kryerjen e aksioneve të pakoordinuara në Veri të vendit. Këto akuza vijnë pas një reagimi zyrtar lidhur me aksionin e fundit të Policisë së Kosovës për mbylljen e komunave paralele serbe në Veri. Sipas ambasadës, raporti midis Qeverisë së Kosovës dhe Amerikës po përkeqësohet si rezultat i këtyre veprimeve të njëanshme dhe të pakoordinuara. Ambasada ka paralajmëruar Ministrinë e Punëve të Brendshme dhe vartësit e këtij institucioni se veprimet e sotme të qeverisë do të kenë ndikim të drejtpërdrejtë në cilësinë dhe natyrën e bashkëpunimit të ardhshëm me Uashingtonin zyrtar. Veprimet e Qeverisë do të ndikojnë edhe në cilësinë dhe natyrën e bashkëpunimit tonë me Ministrinë e Punëve të Brendshme dhe elementët vartës të saj, thuhet në reagimin e ambasadës amerikane në Prishtinë.
