Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, zhvilloi një takim me kryetaren e Komitetit të Helsinkit për të Drejtat e Njeriut në Serbi, Sonja Biserko, politikanin serb, Nenad Çanak, dhe drejtorin e Qendrës për Dialog Humanitar, Mark Baskin. Treshja Biserko, Çanak dhe Baskin njoftuan mbi një plan të mundshëm të Beogradit për zhvendosjen e serbëve të Kosovës, sidomos nga veriu i vendit, drejt rajonit të Sanxhakut. Në Sanxhak po ndërtohen shtëpi dhe banesa për serbët që do të zhvendosen. Në këtë kontekst, Biserko, Çanak dhe Baskin apeluan tek kryeministri Kurti që të përpiqet të parandalojë realizimin e këtij skenari. Kurti theksoi rëndësinë e përfshirjes së serbëve të Kosovës në të gjitha aspektet e shoqërisë dhe ekonomisë, si dhe informoi mysafirët për të drejtat dhe mundësitë që gëzojnë komunitetet jo shumicë në Kosovë.
