Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputet të partive opozitare kanë vlerësuar se reagimet e aleatëve ndërkombëtarë ndaj Qeverisë, janë shqetësuese. Deputetja e Lidhjes Demokratike të Kosovës, Rrezarta Krasniqi ka deklaruar se masat ndëshkuese ndaj Kosovës dhe mos largimi i tyre janë alarm për prishjen e raporteve me aleatët perëndimorë. Ajo ka shtuar më tutje se kryeministri Kurti dhe ministrat e ti janë të izoluar nga aleatët ndërkombëtarë. Edhe deputetja nga Aleanca për Ardhmërinë e Kosovës, Time Kadriaj ka thënë për “Kosovapress” se si pasojë e veprimeve të gabuara të kryeministrit Albin Kurtit, Kosova po humb aleatët dhe miqtë perëndimorë. Ajo ka theksuar më tutje se Kosova është e sanksionuar dhe në bazë të këtyre sanksioneve Kosova ka humbur diku rreth 600 milionë euro dhe ende kërcënohemi për sanksione shtesë.
