Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkëpunëtori i lartë në Këshillin për Politikat e Demokratizimit në Berlin, Bodo Weber ka deklaruar se bashkësia ndërkombëtare, sidomos BE-ja , dhe Shtetet e Bashkuara, mbajnë përgjegjësinë kryesore për dështimin e dialogut mes Kosovës dhe Serbisë. Sipas tij, situata ka arritur në një pikë ku status quo-ja e krijuar nuk po pranohet si dështim nga ndërmjetësit ndërkombëtarë, të cilët janë të zënë me simulime dhe mospranimin e realitetit. “Për fat të keq, ata vazhdojnë të merren me simulime dhe nuk pranojnë se e gjithë faza e dialogut ka dështuar. Ata nuk pranojnë as përgjegjësinë për përshkallëzimin e situatës nga Zveçani deri në Banjskë,” tha Weber, duke iu referuar tensioneve të fundit në veriun e Kosovës.
