Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i PDK-së, Rashit Qalaj, ka shprehur përkrahjen e partisë së tij për hapjen e Urës së Ibrit për qarkullimin e automjeteve, por ka paralajmëruar që kjo të bëhet me kujdes dhe pa krijuar tensione. Çështja e urës është duke u tejzmadhuar, pasi aktualisht qytetarët qarkullojnë në këmbë, ndërsa mungon vetëm qarkullimi i automjeteve. “Ura duhet të hapet, por çështja e trafikut është më shumë simbolikë sesa nevojë. Duhet të jemi të kujdesshëm që hapja e urës të mos krijojë probleme me partnerët tanë,” tha Qalaj. Ai gjithashtu kritikoi qeverinë aktuale dhe procesin e dialogut, duke vënë në dukje se situata në veri të Kosovës është përkeqësuar dhe se Kosova ka më pak sovranitet në atë pjesë për shkak të rolit të shtuar të KFOR-it. “Grupet kriminale janë gjithmonë të gatshme të krijojnë probleme në veri, dhe është e rëndësishme që institucionet e Kosovës të jenë të pranishme atje,” përfundoi Qalaj.
