Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka reaguar pas raportimeve se u në pyetje Koordinatorja e Komiteteve në Lëvizjen Vetëvendosje, Dejona Mihali. Fillimin e hetimeve të Dejona Mihalit nga Prokuroria Speciale, kryetari i AAK-së Haradinaj e ndërlidh me mafinë energjetike. Ai ka shkruar se veprimet e fundit të drejtësisë po i japin shpresë popullit për fuqinë e ligjit mbi të gjithë, pasi po i ngushtohet rrethi Mafisë Energjetike, e cila duhet të përballet me ligjin. Shteti ligjor dhe demokracia nuk dorëzohen para strukturave të dyshimta kriminale, ka nënvizuar, Ramush Haradinaj. Ndërkohë, Prokuroria Speciale e Kosovës, ka konfirmuar se zyrtarja e lartë e Lëvizjes Vetëvendosje, Dejona Mihali është intervistuar nga prokuroria në cilësinë e dëshmitares për disa vepra penale, të cilat kjo prokurori i ka nën hetim, thuhet në njoftimin e Prokurorisë.
