Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shoqëria civile dhe opozita kanë ngritur shqetësime lidhur me vazhdimin e mbajtjes së pozitave drejtuese me ushtrues detyrash në administratën publike, përtej afatit ligjor të përcaktuar. Iniciativa CorrWatch ka raportuar se, që nga 26 shtatori 2024, pozitave me ushtrues detyre u ka skaduar mandati sipas Ligjit për Zyrtarët Publikë. Sipas këtij ligji, mandati i ushtruesit të detyrës nuk duhet të kalojë 1 vit, përfshirë edhe zgjatjen 6+6 muaj. 8 ministri dhe 29 agjenci ekzekutive po vazhdojnë të funksionojnë me ushtrues detyre, edhe pse këto pozita kanë kaluar afatin ligjor. Organizata ka paralajmëruar se vendimet e marra nga këta ushtrues të detyrës mund të sjellin pasoja juridike, për shkak të mungesës së titullit legal.
