Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Marrëdhëniet mes qeverisë së kryeministrit të Kosovës, Albin Kurti, dhe Shteteve të Bashkuara të Amerikës kanë hyrë në një fazë shqetësuese për shkak të veprimeve të pakoordinuara me Uashingtonin zyrtar, sidomos lidhur me situatën në Veriun e vendit. Analistët vlerësojnë se qëndrimi kundërshtues i Kurtit po rrezikon ta izolojë Kosovën nga një prej aleatëve të saj kryesorë. Profesori dhe analisti amerikan Daniel Serwer, thekson se amerikanët janë mësuar që liderët e Kosovës të konsultohen rregullisht me ta dhe sjellja e Kurtit nuk pranohet të jetë ndryshe. Ndërkohë, profesori Charles Kupchan, shprehet se Kurti po e vë popullaritetin e tij para interesave afatgjata të shtetit, duke rrezikuar seriozisht marrëdhëniet me amerikanët dhe partnerët evropianë. Departamenti Amerikan i Shtetit gjithashtu ka paralajmëruar se Kosova po rrezikon mundësitë që Uashingtoni i ka ndihmuar t’ i krijojë, duke theksuar nevojën për rivendosjen e bashkëpunimit të ngushtë.
