Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Bashkimit Demokratik për Integrim, Ali Ahmeti, ka dërguar letër kryeministrit të Maqedonisë së Veriut, Hristijan Mickoski, duke ngritur shqetësime për vendimet e fundit të Gjykatës Kushtetuese, që, sipas tij, minojnë mekanizmat për mbrojtjen e komuniteteve dhe rrezikojnë kohezionin ndëretnik. Ahmeti theksoi se shfuqizimi i Balancuesit dhe ndryshimet e mundshme në Ligjin për Përdorimin e Gjuhëve janë kundër frymës së Marrëveshjes së Ohrit dhe mund të nxisin pasiguri të reja në vend. Duke u shprehur se këto vendime janë të dëmshme për përparimin e marrëdhënieve ndëretnike, Ahmeti kërkoi nga Mickoski që t’i shqyrtojë me maturi. Mickoski u shpreh se nuk e ka parë ende letrën e Ahmetit, por nënvizoi përkushtimin e tij ndaj komunikimit të vazhdueshëm me qytetarët dhe punës së përditshme në qeverisje.
