Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria e Posaçme kundër Krimit të Organizuar dhe Korrupsionit në Shqipëri njoftoi se Gjykata ka pranuar kërkesën për sekuestrim të dy vilave të deputetes Monika Kryemadhi dhe nënës së saj, Fatime Kryemadhi, në një zonë rezidenciale në Tiranë. Vendimi, marrë më 15 nëntor dhe ekzekutuar së fundmi, përfshin bllokimin e pasurive në regjistrat e Kadastrës dhe njoftimin e pronarëve. Kryemadhi dhe ish-presidenti Ilir Meta, aktualisht në proces divorci, janë pjesë e një hetimi që përfshin dyshime për korrupsion, pastrim parash dhe fshehje pasurie. Meta u arrestua muajin e kaluar, ndërsa Kryemadhit iu caktua masa e sigurisë “detyrim paraqitje”. Të dy mohojnë akuzat dhe e cilësojnë hetimin si të motivuar politikisht. Gjykata e Posaçme e Apelit vendosi të mos ndryshojë masat e sigurisë, duke i lënë ato në fuqi..
