Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-këshilltari i Hashim Thaçit, Bashkim Smakaj, ish-nënkryetari i Malishevës Isni Kilaj dhe ish-pjesëtari i UÇK-së, Fadil Fazliu janë dërguar për në Hagë, nga zyrat e EULEX-it në Kosovë. Aty janë mbajtur nga dita e djeshme kur edhe janë arrestuar. Fahri Fadil Fazliu tha para gazetarëve se nuk ka mundur ta takojë babanë e tij mbrëmë e as sot, pavarësisht përpjekjeve. Kërkoj lirimin sa me të shpejtë për të gjithë çlirimtarët e Kosovës. Unë isha dje dy herë, dy herë sot, nuk munda asnjëherë ta takoj. Transferimi i tyre për në qytetin holandez, atje ku e ka selinë Gjykata Speciale dhe qendra e paraburgimit, u ndërmor pasi ata janë arrestuar gjatë një operacioni, në Kosovë. Pa dhënë detaje, Prokuroria e Hagës ka thënë të enjten se operacioni ka të bëjë me vepra kundër administrimit të drejtësisë. Operacioni është kritikuar nga Organizata e Veteranëve të Luftës së UÇK-së duke thënë se ish-pjesëtarët e UÇK-së nuk kanë ndërhyrë në procese të drejtësisë.
