Rahoveci më 26 dhjetor e shpall sportistin e vitit

11/12/2024 Institucionet

Komuna e Rahovecit, Drejtoria për Kulturë, Rini dhe Sport, njofton të gjitha klubet sportive se me 26 dhjetor të këtij viti do të bëjë zgjedhjen e sportistit për vitin 2024, andaj ju keni mundësinë të dërgoni propozimet për:

• Sportistin/en;

• Klubin;

• Trajnerin/en;

• Gjyqtarin/en;

• Shpresat e sportit të komunës së Rahovecit.

Gjithashtu, do të ndahen edhe këto çmime:

• Çmimi – Post mortum;

• Çmimi special – për kontribut jetësor;

• Veterani i vitit;

• Punëtori sportiv i vitit;

• Çmimi për përfaqësim të Rahovecit;

Aplikimet për zgjedhjen e sportistëve më të mirë, duhet të sillen në kopje fizike në zyret e DKRS-së, në objektin e vjetër të Komunës së Rahovecit, në katin e II- të, nga data 12 deri me datë 20 dhjetor 2024.

– Me rastin e aplikimit duhet të dëshmohen të arriturat e individit/klubit gjatë vitit 2024.

– Gjatë propozimit për sportistin duhet në mënyrë të qartë të përshkruhet aktiviteti i secilit sportist/e dhe të specifikohen të gjitha garat ekipore dhe individuale në të cilat ka garuar sportisti dhe suksesin të cilin e ka arritur në nivel kombëtar dhe ndërkombëtar gjatë vitit 2024.

– Zgjedhja e më të mirëve do të bëhet nga Komisioni i përzgjedhur nga Komuna e Rahovecit me datë 26 dhjetor 2024.

Kontrolloni gjithashtu

Qendra për Arte, Kulturë dhe Inovacion “Abdullah Bugari”, drejt finalizimit

Qendra për Arte, Kulturë dhe Inovacion “Abdullah Bugari” është drejt finalizimit si projekt i bashkëfinancuar …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara