Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i Komisionit Qendror të Zgjedhjeve (KQZ), Valmir Elezi, ka bërë të ditur se deri më 22 dhjetor 2024 janë aprovuar 58 mijë e 597 kërkesa për regjistrim të votuesve jashtë Kosovës. Procesi i regjistrimit, që ka filluar më 29 gusht dhe ka vazhduar për 116 ditë, është zhvilluar pa pengesa përmes platformës elektronike të dedikuar për diasporën. Elezi sqaroi se 3,743 kërkesa janë refuzuar kryesisht për shkak të mungesës së fotografive të kërkuara, ku aplikuesit duhet të mbajnë njëkohësisht në dorë dokumentin e identifikimit. Megjithatë, të gjithë aplikuesit e refuzuar janë njoftuar individualisht për arsyet dhe udhëzimet për ri-aplikim. Shtetasit jashtë Kosovës kanë tri mundësi për të votuar: fizikisht në përfaqësitë diplomatike të Kosovës, duke dërguar fletëvotimin përmes postës në Kosovë, ose në kutitë postare të hapura nga KQZ jashtë vendit. Nga aplikimet e aprovuara, 14 mijë 71 persona janë regjistruar për të votuar fizikisht, 9,167 për të dërguar fletëvotimin në Kosovë, dhe 35 mijë e 359 për të votuar përmes kutive postare jashtë Kosovës.
