Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komentet e Donald Trump vazhdojnë të provokojnë një reagim të fortë nga aleatët dhe kundërshtarët e SHBA. Turqia, anëtare e NATO-s, është e fundit që e përshkruan idenë e Trumpit për të zhvendosur banorët e Gazës diku tjetër si “të papranueshme”. Ministri i Jashtëm, Hakan Fidan, tha se zhvendosja e kaluar e palestinezëve dhe vendosja e izraelitëve në ato zona është shkaku kryesor i konfliktit. “Çështja e dëbimeve nga Gaza nuk është diçka që as rajoni dhe as ne do ta pranonim”, i tha ai agjencisë shtetërore Anadolu. Politikani izraelit i ekstremit të djathtë, Ben Gvir vlerëson idenë e Trumpit si ‘zgjidhja e vetme’ “Edhe të mendosh për këtë, për mendimin tim, është e gabuar dhe absurde”, shtoi kryediplomati turk. Kina, e cila ka marrëdhënie të ftohta me Uashingtonin, gjithashtu hodhi poshtë sugjerimin. Zëdhënësi i Ministrisë së Jashtme, Lin xhijan tha: “Kina ka besuar gjithmonë se sundimi palestinez është parimi bazë i qeverisjes së pasluftës në Gaza”. Ai përsëriti mbështetjen e gjatë të Pekinit për një zgjidhje me dy shtete.
