Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Kosovës në Bruksel, Agron Bajrami, ka pasur një takim me Peter Sorensen, emisarin e Bashkimit Evropian për dialogun Kosovë-Serbi. Gjatë takimit, Bajrami ka shprehur gatishmërinë dhe dëshirën për një bashkëpunim të ngushtë me BE-në në formësimin e dialogut për normalizimin e marrëdhënieve mes Kosovës dhe Serbisë. Ai theksoi se ky dialog duhet të fokusohet në njohjen reciproke dhe hapjen e plotë të rrugës së Kosovës drejt integrimit të shpejtë në BE, duke u bazuar në merita. Nga ana e tij, Peter Sorensen ka theksuar rëndësinë e këtij procesi dhe ka shprehur gatishmërinë për të punuar ngushtë me ambasadorin Bajrami për arritjen e një normalizimi të plotë të marrëdhënieve ndërmjet Kosovës dhe Serbisë.
