Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eugen Cakolli nga Instituti i Kosovës për Drejtësi ka bërë një përllogaritje mbi shpërndarjen e mandateve në Kuvend pas përfundimit të numërimit të votave nga zgjedhjet e mbajtura më 9 shkurt. Sipas Cakollit, rezultati është i qartë dhe nuk pritet të ketë ndryshime nga votat me kusht. Ai tha se Lëvizja Vetëvendosje ka siguruar 48 mandate, Partia Demokratike e Kosovës 24, Lidhja Demokratike e Kosovës 20, ndërsa Aleanca për Ardhmërinë e Kosovës ka fituar 8 mandate. Nëse nuk ndodh ndonjë trend krejtësisht i pazakontë, votat me kusht nuk do të sjellin asnjë ndryshim në shpërndarjen e mandateve. Me shumë gjasë, ky do të jetë rezultati përfundimtar i zgjedhjeve, përfundoi Cakolli.
